صحح تعبيرك ........ وظبط توقيعك

الخاطرة الرابعة
صحح تعبيرك ........ وظبط توقيعك

حلو النشاط .......و التميز أحلي

اسمع كلامي وافهم ما بين السطور وصحصحدي مذكراتي تاريخ حياتي انا اسمي شارك والأب صحوقبل قولي لربي حامد واديا مادد بدعائي أنجحأهدي صلاتي مع سلامي على محمد و أهل بيته وقلبي يفرحوأما بعد ..نكمل الرحلات ولسه احنا في أولهاومعايا منتديات هصلحها بإذن الله وناولهاوناوي النية من قلبي يكون هدفي أزيل ليلهاويطلع صبحها يشقشق بمنهج ربها تفرقما بين الحق والباطل ولو تفضل كما هييا ألف خسارة يا ويلها
********************

المنتديات: أصبحنا وصبح الملك لله ...... النهاردة في رحلة جديدة مع شارك صح ....... فينه بس مش عوايده التأخير.

شارك صح : احم ..احم ............. السلام عليكم .....يا صباح الخير.

المنتديات: عليكم السلام ورحمة الله ........... اهلا اهلا شارك صح .

شارك صح : بينا علي السفينة ...... نطوف ونشوف

( ووسط الكواكب بين الظلام والنور...... لفت انتباهم في الطريق ...!!!)

شارك صح : ايه دا .......انتي شايفه اللي انا شايفه

المنتديات: يارب سلم ...... يارب استر ....... مواضيع جميلة والرد اجمل ...... متزين بصور وورود تفتن قلوب

شارك صح : ويا سلام سلم ع التواقيع ..... نجوم و دعاه ......صور ....انما ايه !!

المنتديات: وايه العمل ...... ايه الحل؟؟؟؟

شارك صح : بينا نشوف اصحاب الردود ...... انتا يا اخويا يا صحبي بتعمل ايه ؟؟!!

عضو نشيط : بشارك برد علي موضوع ايه مش عايزني اشارك و لا عايزني ابقى عضو مهمل وجودي زي عدمه انت من شياطين الانس...... ولا ايه

شارك صح :انا بردوااللي شيطان انس ماشي.......... شويه و تفهمني يا اجمل عضو نشيط ........الرد يكون نقاش جميل او دعاء او شكر ..... مش صور وقلوب و كمان ورد

عضو نشيط : ايه المشكلة في اني احّي صاحب الموضوع

شارك صح : المشكلة مش في الشكر لكن في الطريقة ......... ليه عملك فرح في ردك على الموضوع و تحيتك لصحبه انت بتحي رئيس الجمهوريه
هو صحيح اكيد نيتك سليمة ........ لكن شوشو ( الشيطان) الاعيبه كتيرة

شوشو الأنتيم : يوووووووووه ...... دايما كاشف الاعيبي يا شارك

عضو نشيط : لا ده انت مش هتجبها البر.........ممكن تسيبني في حالي يا عم .......... عايز ابقى عضو ميه الميه

شارك صح: انا فهمك كويس اوي بس بجد انت كده هتوقع غيرك في فتنة ......... من ردك بصورة ولا رسمة


عضو نشيط:امممممممممممم تصدق عندك حق
شارك صح:مش كل الناس جمده وقولتلك في حاجه اسمها شوشو( الشيطان)

عضو نشيط : ربنا ينجينا منه

شارك صح:والادهي يا صاحبي توقيعك ...... خد بالك دا عداد يا ليك يا عليك و انا مش جايب الكلام من عندي دا في التحليل النفسي يعني مش جيبها من عندي
عضو نشيط : تقصد ايه

شوشو الأنتيم : يادي الخيبة ..... مش سايب لي منفذ

شارك صح : لو توقيعك فيه دعاء او ذكر...... عداد حسناتك هيزيد مش هيقل
انما لو صورة ملفتة ..... اكيد يا صاحبي دي فيها مشكلة

عضو متميز: ايوه صحيح .......... والله دي فعلا عدت عليا ......... يارب اغفرلي اخطائي ديا
انما من هنا ورايح ......... توقيعي هيبقي مية مية
وردودي اكيييييييييييد موضوعية

شارك صح : الحمدلله ......... كده صح الصح

المنتديات: الله اكبر الله اكبر ..... تمام يا شارك ...... الله ينور

شارك صح : يلا بينا نكمل بين الكواكب وسط الظلام والنورالمنتديات : يلا بينا نركب تاني السفينة اكسبلور ...



انتشرت ظاهرة الرسومات الملونه التى تتخللها الورود والقلوب وايضا الرسومات الكرتونية التى تحمل عبارات الشكر والثناء .. وارفاق الاخوة لتلك الرسومات فى مواضيع الاخوات والعكس ..وايضا ظاهرة الصور التى يضعها الاعضاء فى تواقيعهم .. وان كانت لدعاه اسلاميين .. ولكنها تكون ملفته للغاية .. وخطورة تلك الظواهر هى اثارة الفتنه بين الاعضاء .. كأن يفسر العضو ارسال الاخت تلك الرسومات له تفسيرا اخر .. او افتتان العضو بهذه الصور الملفته فيأثم ان لم يغض بصرة ..
************************
وفي الصفحات القادمة من مذكراتيستجدون خلاصة رحلاتيمع المنتديات العربيةعلى متن السفينةاكسبلور

مدونة شارك صحhttp://shareksah.blogspot.com/جروب الفيس بوكhttp://www.facebook.com/group.php?gid=63323604993ايميل مسؤل الأخوة :sharek_sa7_menايميل مسؤلة البنات: sharek_sa7علي الياهو

الخاطرة الثالثة (يلا اتحرك ......... خليك ايجابي )

الخاطرة الثالثة
يلا اتحرك .............خليك إيجابي

كلامنجي ...... صح الكلام !!

اسمع كلامي وافهم ما بين السطور وصحصح
دي مذكراتي تاريخ حياتي انا اسمي شارك والأب صح
وقبل قولي لربي حامد واديا مادد بدعائي أنجح
أهدي صلاتي مع سلامي على محمد و أهل بيته وقلبي يفرح
وأما بعد ..
نكمل الرحلات ولسه احنا في أولها
ومعايا منتديات هصلحها بإذن الله وناولها
وناوي النية من قلبي يكون هدفي أزيل ليلها
ويطلع صبحها يشقشق بمنهج ربها تفرق
ما بين الحق والباطل ولو تفضل كما هي
يا ألف خسارة يا ويلها
******

شارك صح : (يقول للمنتديات ) السلام عليكم ........صباح الخير يا منتديات ......هااااا ايه الاخبار؟؟

المنتديات : عليكم السلام ورحمة الله .......كله تمام يا شارك صح ......دا الاقبال بقي صح الصح ....
مشاركات ايه ومواضع ايه ........ والاجمل العضو الجديد .....دا كتابته كتير...... دا نشيط

شارك صح : ياما انت كريم يارب ....... ودا اسمه ايه .........بينا علي ملفه نتعرف بيه

المنتديات : اهو اسمه اهو في الموجودين .........كلامنجي ....... اكيد بجديده جيّ

شارك صح : ان شاء الله يكون مفيد ...... يلا نشوف كاتب ايه

( ويدخل شارك والمنتديات علي ملفه الشخصي ويشوفوا احصائيات المواضيع والمشاركات)

شارك صح : بسم الله ....... الله اكبر ....... التسجيل من اسبوع مش اكتر .....ومشاركاته في زيادة اكتر

المنتديات : دا كله نشاط وهمة ........واكيد مواضيعه مهمة

( وكانت المفاجأه)

المنتديات : ايه دا اللي انا شايفاه ....... الملف اتغير ولا انا تايهه

شارك صح : عدد المواضيع .... لا يوجد ..... دا اكيد في حاجة غلط ........ بينا نراقب كتاباته ونشوف ايه اخر كلماته

كلامنجي : يااااااااه المواضيع الجديدة كتير النهاردة ........وانا لازم اوصل لرقم كبير
لازم يكون عدد مشاركاتي اكبر رقم في المنتدي
ادي موضوع والتاني وغيره ....... هرد في كله ب " بمشكووووووور ...... كتر خيره "

شوشو الأنتيم : تمام يا كلامنجي الله ينور........ المنافسة النهاردة اكبر ...... اكتب ..... اكتب يلا كتر

شارك صح : وقف عندك يا كلامنجي ........ بالله عليك فكر ........ ايه اللي هتستفيده من كلام متكرر

كلامنجي : مين انتَ ......... ليه بتتكلم ليه بتتدخل ...... انا مش فاضي ..... ورايا مشاركات لازم تخلص

المنتديات : دا فيك صدمتي ...... وانا اللي قولت اتحلت عقدتي

كلامنجي : أنا ........... عٌقدِتك !!!!

شوشو الأنتيم : سيبك منهم يا كلامنجي ....... دول ناس فاضية ورايقة

شارك صح : يا كلامنجي ركز معايا ...... اوعي تستسلم للسلبية

كلامنجي : ازاي سلبي ...... شوف عدد مشاركاتي ورسايلي

شارك صح : شوف يا كلامنجي ...... عشان تكون ايجابي حقق اللي هقوله في كلامي
مر الكلام
زي الحسام
يقطع مكان ما يمر
اما المديح سهل ومريح
يخدع صحيح ويغر
والكلمه دين
من غير ادين
بس الوفا
ع الحر

كلامنجي : لالالالالا ...... ايه يا عم الكلام دا ....... بالراحة علينا انا مش فاهم حاجة

شارك صح : حااااااااضر ...... قصد كلامي اقرا المواضيع بفهم وتركيز ...... فكر فيها ....... واتناقش ...... امدح بفهم والنقض يكون بناء .................واحدة واحدة مع بعض نعيد الكلام
مر الكلام
زي الحسام
يقطع مكان ما يمر

جدد نيتك قبل كتابتك ...خلي كلامك هادف ومفيد ..... اللي قراه يوصله فكرة..... حتي ولو كان صعب ومٌر ..... لكن لازم يسيب اثر ما كان ما مَر

اما المديح سهل ومريح
يخدع صحيح ويغر

اوعي تخادع بكلامك ....... تثني وتمدح من غير فهم !!!

والكلمه دين
من غير ادين
بس الوفا
ع الحر

دا بكلمتك اصبحت مدين ..... كلامك محسوب يا صاحبي ...... يا اما ليك يا اما عليك
واللي يوفي بدينه هو الانسان الحر

شوشو الأنتيم : تاااااااني يا شارك ........ يا كلامنجي ابعد عنه ...... ما تمسمعش ليه... سيبك منه

شارك صح : يا كلامنجي كل كلمة بنقولها هنتسأل عنها ....... ربنا سبحانه وتعالي بيقول " ما يلفظ من قول إلا لديه رقيب عتيد " ........ يلا راجع نيتك من تاني وخليك ايجابي ..... استفيد وفيد غيرك.

صح الكلام : أستغفرك وأتوب إليك يارب .......... يارب اغفري ....وصحح كلامي وفكري

شوشو الأنتيم : دايما غالبني يا شارك ......... لكن انا وراك وتأثيري سابق .... والزمن حاكم

شارك صح : الحمدلله ........ الشكر لله

المنتديات : الحمدلله ...... الله أكبر ........ معاك يا شارك الخير يكتر

شارك صح : ..يلا بينا نكمل بين الكواكب وسط الظلام والنور
المنتديات : يلا بينا نركب تاني السفينة اكسبلور ...



انتشرت ظاهرة السلبية بكثرة في مشاركات الأعضاء متمثلة في جملة واحدة يكررها العضو في كل موضوع يشارك فيه .. وخظورة هذا الأمر اننا جميعا هدفنا من كتابة اي موضوع
هو إثارة روح المناقشة .. فإما ان تؤيد وإما أن تعارض...

********
وفي الصفحات القادمة من مذكراتي
ستجدون خلاصة رحلاتي
مع المنتديات العربية
على متن السفينة
اكسبلور


مدونة شارك صح
http://shareksah.blogspot.com/

جروب الفيس بوك
http://www.facebook.com/group.php?gid=63323604993

ايميل مسؤل الأخوة :sharek_sa7_men

ايميل مسؤلة البنات: sharek_sa7

علي الياهو

(مذكرات شارك صح) لو سمحت/ي...........دا يبقى تعدي

الخاطرة الثانية
لو سمحت / ي ............دا يبقى تعدي

مشمش ب 100 راجل وكريزي احلي البنات

اسمع كلامي وافهم ما بين السطور وصحصح
دي مذكراتي تاريخ حياتي انا اسمي شارك والأب صح
وقبل قولي لربي حامد واديا مادد بدعائي أنجح
أهدي صلاتي مع سلامي على محمد و أهل بيته وقلبي يفرح
وأما بعد ..
نكمل الرحلات ولسه احنا في أولها
ومعايا منتديات هصلحها بإذن الله وناولها
وناوي النية من قلبي يكون هدفي أزيل ليلها
ويطلع صبحها يشقشق بمنهج ربها تفرق
ما بين الحق والباطل ولو تفضل كما هي
يا ألف خسارة يا ويلها
******
شارك صح : (يقول للمنتديات) السلام عليكم ازيك وايه الاخبار..... كيف حال الاعضاء وكمان الزوار؟
المنتديات:ايه ده مين..... شارك صح اهلاً وسهلاً وعليكم سلام وأمان .....انا تمام اخباري زي أهرامي .......بس المعارضه من زرواي علي أعضائي.
شارك صح : وليه الإعتراض علي الأعضاء ........يارب سلم.
المنتديات :الأعضاء ......ممممممممم مش عارفه اقول ...... حسب الموضوع ندخل ونشوف.
(وفي الطريق يبص شارك يلاقي ساحة خاصة بالبنات _ممنوع مشاركة الولاد_ وساحة خاصة بالولاد _ ممنوع مشاركة البنات)
شارك صح : ايه عظمة المنتدي دا ............معقول ... في التزام
المنتديات : ايه الإحراج دا ...بقوووول ندخل ونشووووووووف
( وجوه قسم البنات)
شارك صح : ايه ......اسمها ايه ........مشمش !!
المنتديات : تقصد اسمه
شارك صح : بس ازاي دا قسم بنات
المنتديات : ما هي دي المشكلة بالذات
شارك صح : انت يا مشمش ......واقف عندك بتعمل ايه ؟
مشمش : وانت ايش حشرك .......بتنادي ليه ؟
شارك صح : بتشارك في مواضيع البنات !! ...غلط.....والله انا خايف ......بكره تدخل في منتدى البنوتات وبعدين انت ليك اخوات برضه ولو مالكش يبقى اكيد ليك ام ولا انت جاي كدة لوحدك ولو مش موجودة مسافرة يعني عقد عمل في البحرين ليك خالة ولو مامتك وحيدة يبقى ليك عمة لو بابك وحيد يبقى اكيد هتتجوز واحدة بنت يعني انت بقى ترضى ان راجل كدة من نوع اللي يخاف ميختشيش يدخل ويعرف عنهم حاجات شخصية ها ترضى يعني دة ربنا في الحديث القدسي بيقول )) يا أبن ادم أفعل ماشئت فإنك ملاقيه وأحبب ماشئت فإنك مفارقه وكن كما شئت فكما تدين تدان (( وكمان حبيبك النبي صلى الله عليه وسلم بيقول ((البر لا يبلى ، والاثم لا ينسى [ والديان لا يموت ، فكن كما شئت ] كما تدين تدان .))
عيب عليك يا ابو المشاميش وارجع عن اللي في دماغك


المنتديات : ايه الاحراج ده يا شارك مش هما اخوات...... مهو بيرد في موضع اخته..... مش مراعي ان اللي بيرد عليها زي اخته ...... بكره كمان يكتب مواضيع في خصوصيات البنات اصل ده عضو فعال في الاقسام اللي من النوع ده
مشمش : ايه دا .......ازاي انا برد في المواضيع ومش عارف ارد عليكم
شارك صح : صحيح بتقول اسمك ايه ......مش (راجل ) مش
(ويكلم مشمش نفسه _ ايه دا صحيح انا هقلب بنت ولا ايه _ وتظهر شخصية تهمس في أذنه)
شوشو الأنتيم : سيبك منهم .........وكمل الرد ......نسق ..اكتب اكتر من سطر
مشمش : وايه المشكلة ان اكتب ليهم .......ما ديننا برده دين نصيحة
شارك صح : شوف يا مشمشه
المنتديات : دا مشمش يا شارك
شارك صح : ما عليه لوم ... ما احنا واقفين في موضوع بنات .... طب يلا يا مشمش نروح نكمل هناك........ عند الولاد .....احسن تتلخبط مني ونطلع بيك مشمشه فعلاً
100 راجل : حاسب علي كلامك يا شارك ....... عايز تشوفني مع الولاد سبع السباع اسد همام زي الدين ما قال....... ما اهو انا اللي غلطان استغفر الله لله النيه خالصه بسم الله هنروح هناك .. اعوذ بالله من الشيطان الرجيم (الله لا إله إلا هو الحي القيوم لا تأخذه سنة و لا نوم له ما في السمو'ت و ما في الأرض من ذا الذي يشفع عنده إلا بإذنه يعلم ما بين أيديهم و ما خلفهم و لا يحيطون بشيء من علمه إلا بما شاء و سع كرسيه السماوات و الأرض و لا يئوده حفظهما و هو العلي العظيم) بينا علي هناك ولا يمكن ارجع تاني لقسم البنات
شوشو الأنتيم : ما ضاع شئايه وراك وراك وهشوف هتعمل بقي ايه هناك عند الولاد وهحلق دقني هخلي مواضيعك ضبع ..... انسي السباع ... قال اسد همام قال .
المنتديات: يارب بارك يارب اهدي يارب ليك النيه خالصه يارب بك اعوذ واليك اعود
(وجوه قسم الولاد)
شارك صح : ايه داااااااا .........إنتِ يا بنت
المنتديات : دي كريزي بنت يا شارك ........مع اخواتها برده تقرأ وتنصح
شارك صح : بنت هنا (هناك بنت) مين يقوم بالواجب .....ياولاد سيبوهالي بقي
المنتديات : استغفر الله ............ ايه دا حتي انت ياشارك ؟
شارك صح :ونعمة بالله .....لا انا بقول دا قسم ولاد ............ومكانها وسط الحوريات
كريزي بنت : وايه المشكلة يا شارك .......من يومنا واحنا كده .......اخوات مع بعضنا
شارك صح : اخوات مع بعضنا ..!! وهل دا يرضي ربنا ..... انتِ اتخلقتي بنوته ... مكانك مكتوب عليه عنوانه
حور الدينا ..قسم البنات و بعدين ميصحش انك تدخلي في قسم الولاد يمكن يكونوا بيتكلموا براحتهم و في حاجه تخصهم فتتحرجي بعد دخولك و ده لازم اساسا تتحرجي لان البنت معروفه بحيائها ...ولا عندك اخوات ولاد مالين البيت فحبيتي الشخصيه الولاديه فقولتي استرجل فيها شويه وليه يعني دة حبيبك النبي صلى الله عليه وسلم لعن المتشبهات من النساء بالرجال .............. يا بنتي اخواتك البنات يقولوا لك رسالة
(انت بنتا واختنا وحبيبتنا في الله .... انت بميه من الرجال بس بانوثه كامله وكامنه في قسمك وسط البنات
بنات
بنات
بنات
جنااااااااااان ادب ايمان واكيد جمال للروح مش اكتر .... غضوا العيون الله اكبر)
وانا بقول لك هتتحشري ليه وسط الرجال
بنوته قال !!
المنتديات:تؤ تؤ تؤ ........عيب يا شارك
شارك صح : البنت كاتبه كلام يشيب شباب اهو...
يابنتي حاسبي كلامك يفتن قلوب شباب ....داخلين يلاقوا نصيحة تخرجهم من عذاب .....بكلامك هتدخليهم في متاهات ..... دا ربنا بيقول " ولا تخضعن بالقول "
(وكعادته يظهر ويهمس في اذن كريزي)
شوشو الأنتيم : اوعي تسمعيله يا كريزي ........ خليكي بنت في اللذيذي .... للحرية بتنادي ولاخواتك بتكتبي
كريزي بنت : بلاش عقد ....... وايه العيب في اني اكتب
شارك صح : عقد ايه بس ده احنا ميسرين اخر حاجه ... مش ممكن يكونوا بيتكلمواعن البنات بطريقه رزله تتضيقي
تقومي رده ... اقل حاجه هيرد واحد ويقولك ايه مسترجله و دخله قسم الولاد ليه.

كريزي بنت : استغفر الله العظيم ......اد كده كلامي مشكلة .......يارب توبة .......والمرة دي اخر نوبة
شوشو الأنتيم : حتي انتي يا كريزي .......مش هسيبك .......اكيد راجعلك
شارك صح : يا حفيدة أمّنا خديجة ........ خليكي لربك ورسولك مطيعة .....نصيحتك للبنوتات قوليها وعن الولاد ابعديها
كريزي بنت : من الليلة دي في داري ومكاني اقول قولي .......ولا يمكن اخالف قول ربي ورسولي
شارك صح : صلي الله عليه وسلم ....
المنتديات : الحمدلله ........والله كنتوا هتخسروني .. هتقفلوني لازم صح تفعلوني صح تطوروني ..زي شارك ما صح قوله.. وخلي ردك في موضوعك الصح .. يصح قولك
شارك صح : ..يلا بينا نكمل بين الكواكب وسط الظلام والنور
المنتديات : يلا بينا نركب تاني السفينة اكسبلور ...

ظاهرة كتابة الشباب في قسم البنات والعكس أصبحت منتشرة في كثير من المنتديات وإن كانت في الاساس ضد قوانين أي منتدي في المقام الأول .. وتتمثل خطورة تلك الظاهرة في إطلاع كلا الجنسين علي خصوصيات الطرف الأخر .. وأيضا المشاركة في تلك الخصوصيات وتقديم النصائح وغيرها مما يثير الفتن في بعض القلوب

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
********
وفي الصفحات القادمة من مذكراتي
ستجدون خلاصة رحلاتي
مع المنتديات العربية
على متن السفينة
اكسبلور


ايميل مسؤل الأخوة sharek_sa7_men@yahoo.com
ايميل مسؤلة البنات: sharek_sa7@yahoo.com

(راجع نفسك ..........خليها لله)

الخاطرة الأولى
(راجع نفسك .................خليها لله)

كاشف المستور ولا ساتر المكشوف؟

اسمع كلامي وافهم ما بين السطور وصحصح
دي مذكراتي تاريخ حياتي انا اسمي شارك والأب صح
وقبل قولي لربي حامد واديا مادد بدعائي أنجح
أهدي صلاتي مع سلامي على محمد و أهل بيته وقلبي يفرح
وأما بعد ..
نكمل الرحلات ولسه احنا في أولها
ومعايا منتديات هصلحها بإذن الله وناولها
وناوي النية من قلبي يكون هدفي أزيل ليلها
ويطلع صبحها يشقشق بمنهج ربها تفرق
ما بين الحق والباطل ولو تفضل كما هي
يا ألف خسارة يا ويلها
******
شارك صح : (يقول للمنتديات) في حد هناك اهو قاعد ورا الشاشة يسجل لك .. تعالي نشوفه ايه هدفه ؟ ويمكن نلقى ف كلامه سبب اللي بيحصلك
المنتديات : تعالى نسأله يمكن يريح قلبي ويطمني ونلقى عنده خيط من نور
شارك صح : (يقرب من العضو) سلام الله يا صحبي عليك والرحمة والبركات
كاشف المستور : سلام نعم في ايه .. ايوها خدمات ؟
شارك صح : نحب نمسي نتعرف .. وبيك يا صحبي نتشرف .
كاشف المستور : نتعرف ؟ صحبك ؟ وتطلع مين يا عم انت ؟ مهيس ؟ ولا بتهرتل ؟
شارك صح : شارك هو دا اسمي وابويا صح هو اسمه ..
كاشف المستور : ومين دي ؟ (يقصد المنتديات)
المنتديات : أنا دنيا وفيها حضرتك عايش ومتظبط على الآخر ..
شارك صح : متخلص وقول اسمك من الآخر ..
كاشف المستور : هقول اسمي .... المستغطي بكشفه .. والمستخبي بعرفه .. غاوي ادعبس .. والاكتشاف للفضايح لعبتي عرفتها كويس .. يعني الفضيحة لو في الضلام برمي عليها النور .. وعشان كدا سموني .. كاشف المستور
شارك صح : يا لطيف اللطف يا رب ..ماشي يا كاشف ممكن تقول وتعرفنا ايه هدفك ؟ ايه نيتك من قعدتك قصاد نتك ؟
كاشف المستور : ما انا قولتك .. يييييييييييه هتطير الاصطباحة ..
المنتديات : لا لا ولا تزعل .. بس قولي لغاية امتى هتخلي دنيتي لنيتك ساحة؟
شارك صح : يا كاشف هتسمعني ؟ وأنا بوعد يكون قولي بسيط وبالراحة .
(تظهر شخصية تهمس في أذن كاشف)
شوشو الأنتيم : يا كاشف كبر الجي وروق الدي وسيبك من الناس دهي .
شارك صح : يا كاشف ربك الستير بيسترنا ولو نغلط
شوشو الأنتيم : يا كاشف ارمي جوه البير كلامه .. تعالى نخش على المستور ونبلبط.
شارك صح : وقولي غلطت كام غلطة وما فضحك .. ؟
شوشو الأنتيم : يا كاشف اوعى تسمعله دا هيغمك .. اقولك نكته؟ تيجيي نضحك؟
شارك صح : يا كاشف انت ليه سارح وليه مش راضي تسمعني؟
كاشف المستور : (يضحك) معاك معلش بصراحة انتيمي محذرني أسمعلك فتخدعني
المنتديات : انتيمك؟ وايه اسمه ؟
كاشف المستور: شوشو انتيمي صحبي اللي دايماً مظبطني
شارك والمنتديات: شوشو؟
كاشف المستور : ايوه شوشو اللي بكلمة يرحني وبكلمة يلخبطني
شوشو الانتيم : بس يا عم على اسمي متقولوش ويلا بسرعة في فضيحة على منتدى الفنكوش
كاشف المستور : فين فين ؟ وديني بسرعة .. أنا همشي وفايتكم ..
شوشو الانتيم : يلا اكتب .. دبليو دبليو دبليو فنكوشي ودوت كوم
شارك صح : يعني النية في فضيحة نزود كشفها بايدنا؟ وهل دا يرضي رب الناس ؟ وهل دا يرضي رسول الله ؟ وهل دا يعلي في بلدنا ؟
كاشف المستور : انت بتقول ايه؟
شوشو الانتيم : آه يا ابن الايه .. هتأثر عليه ..
شارك صح : وداخل ليه تدور ليه على فضيحة .. وايه هتشوف ؟ مصايب ناس؟ جرايم ناس ؟ ودنيا كلها قبيحة؟
كاشف المستور : هو فضول مش اكتر ..
شوشو الانتيم : يا لهويييييييي يا خبتييييييييي .. الواد دا بينه متأثر .
شارك صح : اللي يراقب الناس يا كاشف بيتغم .. والأهم .. فضولك ف دينك فضولك في علم يفيدك .. سيبك من شوشو انتيمك دا شر بيجري ف وريدك ..
كاشف المستور : خلاص م اليوم دا مفيش نت ولا منتديات .
المنتديات : ليه يا صحبي ؟ دا انا فيا العلوم والدين والعِبرات
كاشف المستور : وشوشو دا هيسبني في حالي ..
شوشو الأنتيم : يا عبيط ضحكوا عليك .. وأنا مالي.
شارك صح : شوشو ديته آية الكرسي .. قوم اتوضا صلي جدد النية على شط الأمان ارسي..
شوشو الانتيم : رايح فين ؟
كاشف المستور : (يبدأ في قراءة آية الكرسي) أعوذ بالله من الشيطان الرجيم "الله لا إله إلا هو الحي القيوم لا تأخذه سنة و لا نوم له ما في السمو'ت و ما في الأرض من ذا الذي يشفع عنده إلا بإذنه يعلم ما بين أيديهم و ما خلفهم و لا يحيطون بشيء من علمه إلا بما شاء و سع كرسيه السماوات و الأرض و لا يئوده حفظهما و هو العلي العظيم"
شوشو الأنتيم : آآآآآآآآآآآه .. كده يا صحبي تحرقني وتخزيني ؟
شارك صح : تمام يا ساتر المكشوف .. وقوم صلي وقول يا ربي اهديني.
ساتر المكشوف : خلاص يا شارك يا ابن عم صح .. أوعدك وأوعد المنتديات إني مش هدور غير على كل صح.. واشارك م اليوم دا صح.
شارك صح : قول ورايا ...
ساتر المكشوف : ورايا ..
شارك صح : لا لا ... ردد ورايا اللي هقوله .. مش راح أروشن ولا راح أهيس أنا م اليوم دا هبقى كويس
ساتر : مش راح اروشن ولا راح أهيس أنا م اليوم دا هبقى كويس (يكررها)

المنتديات : ياااااااااه .. ربنا يفتح عليك جددت نيته وهدفه وخزيت انتيمه اللئيم
شارك صح : أعوذ بالله من الشيطان الرجيم ..يلا بينا نكمل بين الكواكب وسط الظلام والنور
المنتديات : يلا بينا نركب تاني السفينة اكسبلور ...
شارك صح .. إن ضياع النية يؤدى إلى ضياع الهدف وبالتالي يكون المرء عرضة لمخاطر الوقوع فى المعصيات ..


راجع نيتك سجلها في قلبك وأشهد الله عز وجل عليها
قبل أن تضغط على أيقونة التسجيل
سل نفسك دائماً .. لماذا أنا هنا ؟
********
وفي الصفحات القادمة من مذكراتي
ستجدون خلاصة رحلاتي
مع المنتديات العربية
على متن السفينة
اكسبلور

مناقشة عامة لمواضيع الحملة

السلام عليكم ورحمة الله وبركاته

كطريقة للتواصل بشكل افضل

هنا هنبدا نناقش مواضيع الحملة

ونقول ارائنا

وايه الاضافات اللي ممكن لو زودناها .......الموضوع يبقي اشمل

في انتظار تعليقاتكم واقتراحتكم وارائكم

وهنرد عليها هنا في نفس الموضوع ان شاء الله

التمهيد وبعدين ندخل في المفيد

إهداء
إليك يا من تحبو الآن
وتلهو بين قدميّ
أهدي مذكراتي .. خلاصة حياتي
فهي نبراسك إن أظلمت الحياة .. لتكمل ما بدأته
فتقبلها هدية .. وأحسن النية
والدك
شـــــــارك صـــــح

مقدمة المذكرات

اسمع كلامي وافهم ما بين السطور وصحصح
دي مذكراتي تاريخ حياتي انا اسمي شارك والأب صح
وقبل قولي لربي حامد واديا مادد بدعائي أنجح
أصلي وسلم على محمد و أهل بيته وقلبي يفرح
وأما بعد ..

بدايتي كانت
لما لقيت الدنيا ضاقت
والحالة ساءت
وانتشر شر البشر وانيابه بانت
والإيمان ساب القلوب .. ضاعت
والاختراع الجديد دخله الولد والبنت
اسمه دا ايه؟ اسمه قال ايه .. انترنت
بيقولوا انترنت عالم في الفضا المفتوح
بيقرب العالم يخلي ما كان محال مسموح
والفضا دا لعبتي
قررت اسافر جوه الفضا وأروح
هدفي أصلح قلب خدعه الاختراع ..
هدفي أصحي الضماير و الروح
وقصد القول ..
عندي سفينة صغيرة اسمها .. اكسبلور
ركبت فيها وطرت أنا بين الظلام والنور
عمال ادور وحاير منين راح ابدأ رحلتي ومين عليه الدور؟
يا عم انترنت فيك الشات والشهوات
فيك الأغاني و اللي جاني وفيك هفوات
قالولي جوه العم نت هتلاقي منتديات
منها هتبدأ اصلها شهرتها واسعة
أصلها عالي ..أميرة م الأميرات
يا عالم يا كواكب ياللي ساير واللي راكب
فيه أميرة في حيكم اخده شهرة في نتكم
الاسم منتديات والوصف قالوا اميرة
واللي يلاقيها له عندي جايزة كبيرة
وفضلت ادور وأدور لحد م لقيتها
عيونها سارحة وحزينة قافلة عليها اودتها
خبطت ع الشباك والباب.. ناديتها
فتحت ودار بينا حوار
القصد عرفت نيتي
وعرفت شكوتها ...

شارك صح: السلام عليكم
المنتديات : وعليك السلام
شارك صح : اسمي (شارك صح) من كوكب الإصلاح .. جيت هنا بسفينتي الفضائية قاصداً إصلاح عالم الانترنت.
المنتديات : يااااااه .. لوحدك ؟
شارك صح : ربنا معايا وأنتي إن شاء الله هتساعديني
المنتديات : أساعدك؟ ازاي؟
شارك صح :احكيلي .. قوليلي اللي تعبك ومزعلك.
المنتديات :يا بني انا يوم ما عملوني مكنتش كدا .. صحيح مكنتش مشهورة زي دلوقتي بس كان حالي أحسن من كدا
شارك صح :وماله حالك دلوقتي .. صارحيني.
المنتديات :ياااااه هقول ايه ولا ايه؟ قوم معايا وانا اوريك.
شارك صح :ايوه كده هو دا الكلام بينا ع الشغل
وانطلقنا بسفينتي الفضائية ..دلتني هي على الطريق
شارك صح :ياه كل دي منتديات .. كل دي شاشات مفتوحة على عالمك؟
المنتديات :طبعاً .. أمال انت كنت فاكر ايه ؟ تعالى أدخلك شوية منها وتشوف بنفسك حجم المشكلة.
------------
طوفنا وشوفنا كتير ضحايا وجناه
منكرش كان فيهم صحيح العارفين لله
بس الضحايا كتير هنخش نعرف منهم
ايه اللي جابهم هنا ومين اللي ضللهم
ونشوف سوا كل اللي شارك غلط
وليه مكنش الصح
دي كانت بس البداية
من مذكرات شارك صح
وفي الصفحات القادمة من مذكراتي
ستجدون خلاصة رحلاتي
مع المنتديات العربية
على متن السفينة
اكسبلور

انطلااااااااااااااااااق حملة شارك صح ........... معًا نحو منتدي أفضل

السلام عليكم ورحمة الله وبركاته

حملتنا .............. شارك صح

اقتداءا بالاية الكريمة : (ما يلفظ من قول الا لديه رقيب عتيد )

شارك صح
عشان تكون كل كلمة بميزان حسناتك.

شارك صح
عشان تكون كل كلمة ليك مش عليك.

شارك صح
عشان يكون ليك حسنة جارية بكل حرف بتكتبه.

حملة شارك صح !!.... يعني ايه اشارك صح؟؟!!!

اولا: احنا مين ؟؟!!!
إحنا مجموعة بنات اتجمّعنا من منتدي الداعية الاستاذ مصطفي حسني

ثانيا: فكرتنا ايه ؟؟!!!
عبارة عن حملة بتناقش طرق حل سلبيات كتيرة أصبحت واقع بمنتدايتنا لينا حلم واحد وان كان المكان صغير على حلمنا الا انه جمعنا وضمنا هنا هنبدا نتكلم ونعلى صوتنا فى المجتمع اللى بنعيشه هنتكلم عن كل حاجه حلوه ووحشه وهنظهر للشباب اللى قدنا اننا نقدر وهنقدر نتغير

ثالثا: يعني ايه برضو؟؟!!!
الحملة بدأت بملاحظة سلبيات كثيرة ظهرت منها
1- عدم الوعي بمدى صحة الكلام اللّي بنكتبه أو بننقله وأثره علي أعضاء المنتدي وزواره اللّي بينقوله لمنتديات تانيه
2- التجاوز في الردود بين بعض الأعضاء
3- إنتشار السلبية
4- وغيرها كتير ...... اللّي مركزة عليه الحملة
وبإذن الله مع بعض هنتخلص منها.

رابعا: الهدف من الحملة ايه؟؟!!!
المنتدي عبارة عن صورة مكتوبه لاعضاؤه
عن فكرهم وأحلامهم وطموحاتهم.
وبما إننا أجمل شباب مسلم
يعني بنعبر عن دينا ومعتقداتنا
بنوضّح للعالم مين المسلمين وإزاي بيتعاملوا مع بعضهم
بأي طريقة وبأي أسلوب
لازم صورتنا تكون إيجابية
ميبقاش في فرصة لأعدائنا يهزأوا بينا.
عشان يوم الحساب نبقى فخر لرسولنا الكريم محمد صلى الله عليه وسلم.

خامسا: والحملة عبارة عن إيه؟؟
الحملة عبارة عن مجموعة من الخواطر مكتوبة بأسلوب جديد وطريقة عرض مختلفة
كل خاطرة بتحل مشكلة أو أكتر من المشاكل اللّي ظهرت مؤخرًا بمنتداياتنا
هنقوم بطرح خاطرة كل اسبوع
وعليك تشارك معانا وتساعدنا في نشرها

سادسا: والمطلوب إيه دلوقتي؟؟
ساعدنا..
شاركنا في تحقيق هدفنا
بأفكارك وإقتراحاتك
وصّل كلامنّا للمنتديات اللّي تعرفها
انشرها ..... وخد أجر نشرها
يمكن غيرك محتاج لكلمة ومستنيها
وتكون إنتَ السبب في تغيره

سابعا وإزاي أشارك؟؟
انت مش محتاج تكون عضو مشترك او يصلك كود تفعيل اشتراك لانك بالفعل مشترك معانا بمجرد موافقتك لفكرتنا لكن علشان تشارك معانا صح فى حملتنا ضيف :
إيميل خاص بالحملة
sharek_sa7
علي الياهو
وكل اللّي عليك تختار المنتدي اللي هتنشر فيه الحملة وتسجل عضو جديد
اسم العضو : شارك صح
والإيميل اللّي تسجل بيه يكون إيميل الحملة المذكور
وبمجرد إشتراكك في المنتدي هنفعّل حسابك فيه
وتراسلنا علي الايميل عشان تعرف الجديد في الحملة وتقوم بنشره

في إنتظار أفكاركم وإقتراحاتكم
ولو في أيّ إستفسار
تتقدر تتواصل معانا علي إيميل الحملة
ولكم منّا جزيل الشكر
اللهم اجعل هذا العمل خالصا لوجهك الكريم
والسلام عليكم ورحمة الله وبركاته

جميع الحقوق محفوظه لإدارة حملة شارك صح

كيف جاءت الفكرة ؟

اولا ... كيف جاءت الفكرة ؟
نحن اعضاء قدامى من منتدى اسلامي.. ومنذ فترة وجدنا ظواهر غريبه اعتالت المنتدى واغلب المنتديات الاسلامية .. ومننا من ترك المنتدى لكننا صممنا ان نواجه تلك الظواهر السلبية ونصل بالمنتدى الى صفوف الريادة كما كان .. وبعد فترة من نشر الفكرة بدأت الاذهان تتهافت ان تكون تلك الحملة شاملة وتكون على مستوى كل المنتديات العربية الاسلامية منها والعادية ..

ثانيا .. كيف ستواجه الحملة تلك الظواهر ؟
فى البداية كانت الحملة ستناقش فقط الظواهر السلبية على المنتديات الاسلامية .. الى ان شملت كل المنتديات الاخرى فاصبحت تلك الظواهر اكثر اتساعا .. وليس من الضرورى ان تجد كل تلك الظواهر مجتمعة فى منتدى واحد ..

وسنواجه تلك الظواهر من خلال عدد من الخواطر .. هن احدى عشر خاطرة تناقش كل منهن ظاهرة واحدة من خلال مناقشة خطورة تلك الظاهرة وعرض الحلولو لها ...

وعناوين هذه الخواطر هى :
1- راجع نفسك .. خليها لله !!
وهدفنا فى هذه الخاطرة ان نراجع جميعا انفسنا من تواجدنا على المنتديات .. وتعتبر هذه الظاهرة اساس باقى السلبيات الاخرى .. لان ضياع النية يؤدى الى ضياع الهدف وبالتالى يكون المرء عرضة لمخاطر الوقوع فى المعصيات .. وسننتهى معا الى شعار نتخذه لنا جميعا ونوحده على كل المنتديات نجدد به نيتنا دائما من تواجدنا على المنتديات ..

2- لو سمحت/ى .. ده يبقه تعدى !!
تناقش هذه الخاطرة ..ظاهرة مشاركات الاخوة فى ساحة الاخوات والعكس .. وان كانت هى اساسا ضد قوانبن اى منتدى فى المقام الاول .. وتتمثل خطورة تلك الظاهرة هو اطلاع كلا من الجنسين على خصوصيات الطرف الاخر .. وايضا المشاركة فى تلك الخصوصيات .. والامثلة كتيرة ..

3- يلا ااتحرك خليك ايجابى !!
وهدفنا من هذه الخاطرة هو ان يكون الاعضاء ايجابين فى المشاركات .. وذلك لأننا لاحظنا انتشار ظاهرة السلبية بكثرة فى مشاركات الاعضاء بالاخص متمثلة فى جملة واحدة يكررها العضو فى كل موضوع يشارك فيه .. وخطورة هذا الامر اننا جميعا هدفنا من كتابة اى موضوع هو اثارة روح المناقشة .. فاما ان تؤيد واما ان تعارض ...

4- صحح تعبيرك .. ظبط توقيعك !!
وهنا نحن بصدد تلك الرسومات الملونه التى تتخللها الورود والقلوب وايضا الرسومات الكرتونية التى تحمل عبارات الشكر والثناء .. وارفاق يلك الرسومات فى مشاركات الاخوة فى مواضيع الاخوات والعكس .. وايضا وضع بعض الصور فى البروفيل الخاص ..وايضا ظاهرة الصور التى يضعها الاعضاء فى تواقيعهم .. وان كانت لدعاه اسلاميين .. ولكنها تكون ملفته للغاية .. وخطورة تلك الظواهر هى اثارة الفتنه بين الاعضاء .. كأن يفسر العضو ارسال الاخت تلك الرسومات له تفسيرا اخر .. او افتتان العضو بهذه الصور الملفته فيأثم ان لم يغض بصرة ..

5- خد بالك .. انت متراقب !!
وفى هذه الخاطرة نسعى الى احياء روح المراقبة .. اننا جميعا مراقبون من الله تبارك وتعالى وايضا الملائكة ( رقيب وعتيد) وستشهد علينا جوارحنا يوم القيامة والنبى صلى الله عليه وسلم والمسلمون جميعا ..الخ .. ونريد احياء هذه الروح فى امور عدة منها .. الرسائل الخاصة ورسالئل الزوار وان يكتب الاخ اسم الاخت بدون القاب والعكس وان تنادى الاخوات باسم حبيبتى واحبك فى الله ووحشتينى فى مواضيع فيها اختلاط .. مما يثير الاخوة والعكس

6- كفاية مستورد .. عايزين محلى !!
تناقش هذه الخاطرة ظاهرة المواضيع المنقوله .. من خلال وضع عدد من الضوابط لراغبى نقل الموضوعات ككتابة اسم كاتب الموضوع الاصلى للحفاظ على حقوق الملكية الفكرية وان اقتبس العضو جملة واحدة .. وايضا نقل موضوعات مفيدة ذات قيمة .. وذلك لاننا نجد مثلا ان عضو ما يكتب فى اليوم الواحد خمسة موضوعات وكلها ليست من نسيخ عقله وانما جميعها منقوله وبالتالى يؤثر على موضوعات اخرى اكثر قيمة لاعضاء اخرين ..




7-لالالا .. كله الا كده !!
وهذه من اخطر الخواطر .. لانها تناقش ظاهرة نشر المواضيع المسيئة للاسلام والخرافية التى ابتدعها اعداء الاسلام ونشروها على منتدياتنا بهدف السخرية مننا .. ونحن وبكل سذاجة اخذنا فى نشر هذه الخرافات والاساءات بهدف تعريف المسلمين بالحرب الدائرة على الاسلام ..

8- اللى بيخاف ..يطلع بره!!
وهنا نناقش ظاهرة انتشار المواضيع السياسية على المنتديات من اعضاء ليسوا موكلين بهذا .. ورأينا جميعا هذا فى اثناء الحرب على غزة ووجدنا من يستهدف رمز سياسية وقيادية بالسب والقذف .. نحن لسنا ضد هذا ولكننا ضد ان يأخذ الجميع فى نشر تلك المواضيع مما لها اكبر التأثير على فرقتنا وتشتتنا .. ولكننا كشعوب لدينا ما نناقشه فى موضوع السياسة وهى .. الحق والعدل والحرية ..

9- مشاركة لله !!
وهذه الخاطرة نستعرض فيها شريحة معينه من الاعضاء الذين هدفهم من كتابة اى موضوع هو (عدد المشاركات) ونجد هذا العضو يهدد بترك المنتدى او عدم اكمال الموضوع لقلة المشاركات .. ونحن هدنا فى هذه الخاطرة تعديل هدف كتابة الموضوعات من (عدد المشاركات ) الى ( عدد المشاهدات ) .. واستشعار الثواب بعدد الاعضاء الذين شاهدوا موضوعى ..

10-ابدأ اكتب .. وأحنا معاك !!
فى هذه الخاطرة نساعد الاعضاء بعدد من النصائح لكتابة موضوع ناجح وعرض افكاره بطريقة منظمه وايضا مساعدته بمجموعة من المواقع التى بها الاحاديث الضعيفة المنتشرة والمواضيع الخرافيه ..الخ

11-عفوا .. هذا الاسم غير متاح !!
وهنا نناقش ظاهرة انتشار بعض اسماء الاعضاء على المنتديات منها من فيه مخالفة شرعية ومنها من يحمل اسماء تثير الغرائز كأسماء ( الدلع ) .. وهدفنا ان ننتقى اسماءنا على المنتديات من منظور اخلاقى اسلامى..


ثالثا .. كيف نشارك فى هذه الحملة ؟
نحن عندنا ثلاثة لجان عمل ..
اولا .. لجنة الخواطر ..
ومهمتها تحديد اهداف كل خاطرة ومناقشتها بطريقة مناسبة وليس شرط ان يكون كل اعضاء هذه اللجنه من اصحاب ملكة الكتابة .. ولكن الاهم ان يكونوا ن اصحاب الافكار المفيدة ..
ثانيا .. لجنة التصاميم ..
ومهمة هذه اللجنة هى ان تقوم بعمل البوسترات الخاصة بالحملة وايضا عمل بوستر لكل خاطرة ..
ثالثا .. لجنة النشر ..
وهدف هذه اللجنه هو ان نشر خواطر الحملة على كل المنتيدات الاسلامية والعادية .. وذلك ان يختار العضو منتدى معين واحد او اكثر.. وذلك بأن يشارك باسم عضو ( شارك صح ) وايميل الحملة sharek_sa7@yahoo.com
وسيصلنا رسالة تفعيل العضوية سنقوم بتفعيلها لك .. وسنرسل لك الخاطرة كل اسبوع وكل ما عليك هو نسخها ووضعها فى المنتديات ومتابعة الردود ..